سەردێڕ:

تەقە لە ماڵی بەڕێوەبەری رۆشنبیری هەڵەبجە کرا

فۆتۆ: 
2020-01-26

6132 جار خوێندراوەتەوە

پەیامنێری ئێن ئاڕ تی لە هەڵەبجە رایگەیاند، تەقە لە ماڵی بەڕێوەبەری رۆشنبیری هەڵەبجە کراو و چەند فیشەکێک بەر ماڵەکەی کەوتووە و لێکۆڵینەوە لە رووداوەکە دەستیپێکردووە.

وریا حەمەکەریم، پەیامنێری ئێن ئاڕ تی لە هەڵەبجە رایگەیاند، ئەمشەو دەسترێژی گولـلە لە ماڵی پەروێز نیازی، بەڕیوەبەری رۆشنبیری هەڵەبجە کرا و لە ئێستادا پۆلیس لێکۆڵینەوەی لە رووداوەکە دەستپێکردووە و لە رووداوەکەدا زیانی گیانی نەبووە.

لەو بارەیەوە پەروێز نیازی بۆ ئێن ئاڕ تی ڕایگەیاند، "ڕووداوەکە لە نزیکی کاتژمێر ٩:٥٨ خولەکی ئەمشەودا بووە و هێزە ئەمنییەکان لە لێکۆڵینەوە بەردەوامن".

وتیشی، "هیچ کێشەیەکم لەگەڵ هیچ کەسێکدا نییە و گومانم لە کەس نییە"، باسی لەوەشکرد، "ڕووداوەکە جگە لە چەند زیانێکی ماددی زیانی گیانی نەبووە".