سەردێڕ:

شنگال.. فڕۆکەکانی تورکیا فەرماندەی گشتی یەبەشەیان شەهیدکرد

زەردەشت شنگالی، فەرماندەی هێزەکانی یەبەشە
فۆتۆ: 
2020-01-15

32008 جار خوێندراوەتەوە

پەیامنێری ئێن ئاڕ تی لە شنگال رایگەیاند، بەهۆی بۆردومانەکانی تورکیاوە فەرماندەی هێزەکانی یەکینەکانی بەرخۆدانی شنگال (یەبەشە) و چوار شەڕڤانی یەبەشە شەهیدبوون و چوار شەڕڤانی دیکە و هاوڵاتییەکی مەدەنیش برینداربوون.

نەزیر شنگالى، پەیامنێرى ئێن ئاڕ تى لە شنگال رایگەیاند، بەهۆی بۆردومانی فڕۆکە جەنگییەکانی تورکیاوە زەردەشت شنگالی، فەرماندەی هێزەکانی یەبەشە و چوار شەڕڤانی دیکە شەهیدبوون و چوار برینداریشیان هەیە.

راشیگەیاند، بارەگایەکى یەبەشە لە کۆمەڵگەى دگوری سنورى ناحیەى سنونێیان لە قەزاى شنگال بۆردومان کراوە و ئۆتۆمبیلێکیش کراوەتە ئامانج.

ناوبەناو فڕۆکە جەنگییەکانى تورکیا هێرشدەکەنە سەر ناوچەکانى سنورى شنگال، ئەگەرچى پارتى کرێکارانى کوردستان پەکەکە رایگەیاندووە، کە ئەوان بە تەواوى لە شنگال کشاونەتەوە، بەڵام بۆردومانى تورکیا بەردەوامە.