سەردێڕ:

عێراق لە ئەنجومەنى ئاسایشى نێودەوڵەتى سکاڵاى لەسەر ئێران تۆمارکرد

فۆتۆ: 
2020-01-10

10357 جار خوێندراوەتەوە

لەسەر شکاندنى سەروەرى خاکەکەى، عێراق لە ئەنجومەنى ئاسایشى نێودەوڵەتى سکاڵاى لەسەر ئێران تۆمارکرد.

 عێراق نامەیەکى بۆ ئەنجومەنى ئاسایشى نێودەوڵەتى ناردووە و سکاڵاى لەسەر ئێران تۆمارکردووە بەهۆى پێشێلکردنى سەروەرى خاکەکەى و بەزاندنى.

لە نامەکەدا هاتووە، "موشەکبارانکردنى خاکى عێراق لە لایەن ئێرانەوە بە بەهانەى بەرگریکردن لە خۆى  بەهەموو شێوەیەک رەتدەکەینەوە و پرەنسیبەکانى مافى دراوسێیەتى پێشێلکردووە."

هەروەها لە سکاڵاکەدا هاتووە، عێراق دژى ململانێ هەرێمایەتیی و نێودەوڵەتییەکانە لەسەر خاکەکەى.

پێشتر عادل عەبدولمەهدی، سەرۆک وەزیرانی دەستلەکارکێشاوەی عێراق لە بەیاننامەیەکدا ڕایگەیاند، بە تەلەفۆن لەگەڵ مایک پۆمپیۆ، وەزیری دەرەوەی ئەمریکا قسەیکردووە و تێیدا، داوای لێکردووە تا نوێنەریان بنێرن بۆ ئامادەکاریی بۆ کشانەوەی هێزەکانیان لە عێراق و هاوکات، وتوشییەتی، "عێراق هەر ئۆپراسیۆنێک، لەناویشیدا هێرشەکەی ئێران بۆسەر بنکە سەربازییەکانی ئەمریکا، ڕەتدەکاتەوە کە سەروەرییەکەی پێشێلبکات".

‌بەپەلە