سەردێڕ:

هەنگاو: لە ساڵی ڕابردوودا ٥٢ هاوڵاتی کورد لە ئێران لە سێدارەدراون

فۆتۆ: 
2020-01-06

1264 جار خوێندراوەتەوە

ماڵپەڕى هەنگاو بۆ مافی مرۆڤ ڕایگەیاند، لەساڵى ڕابردوودا ٥٢ هاوڵاتی کورد لە بەندیخانەکانی ئێراندا لە سێدارە دراون.

بەپێى ئامارێک کە ئەو ماڵپەڕە ڕایگەیاندووە، "دوو مێردمنداڵ کە تەمەنیان لە خوار ١٨ ساڵەوەیە لەناو لە سێدارەدراوەکاندا هەن، لەگەڵ ئەوەشدا چوار ژنیش لە بەندینخانەکانى سنە و ئورمیەدا لەسێدارەدراون".

ئەوەشی ڕاگەیاندووە، " ئەو کەسانە بە تۆمەتی کوشتنی بە ئەنقەست و تۆمەتی پەیوەندیدار بە ماددە سڕکەرەکانەوە لەسێدارەدراون".

ئاماژەی بەوەشکردووە، "ئەو کەسانەى لەسێدارەدراون خەڵکى پارێزگاکانی ئیلام، لوڕستان، کرماشان، سنە، ئورمیە  بوون".

ئەوەش لە کاتێکدایە، بەپێى ئامارى ساڵى ٢٠١٨ى ڕێکخراوەکە ٧٠ هاوڵاتی کوردى رۆژهەڵاتى کوردستان لەسێدارەدراون، بەراورد بە ساڵى ڕابردووش، ١٨ حاڵەت کەمیکردووە.

هـ.ئـ