سەردێڕ:

کەرکوک.. ٩١ خێزانى ئاوارە گەڕاونەتەوە بۆ شوێنەکانى خۆیان

فۆتۆ: 
2019-12-17

1750 جار خوێندراوەتەوە

وەزارەتی کۆچ وکۆچبەرانى عێراق ڕایگەیاند، لە ماوەی دوو ڕۆژى رابردوودا، ٩١ خێزانی ئاوارە گەڕاونەتەوە شوێنی نیشتەجێبوونی خۆیان لە قەزاو ناحیەکانى دەوربەرى کەرکوک.

عیمار سەباح، بەرپرسی لقی کەرکوکى وەزارەت ڕایگەیاند، "بە هەماهەنگی لەگەڵ وەزارەتی گواستنەوە و سەرکردایەتی عەمەلیات(ئۆپەراسیۆنە)ە هاوبەشەکان، پاسییان دابین کردووە بۆ گواستنەوەی ئەو خێزانە ئاوارانەی دەیانویست بگەڕێنەوە بۆ شوێنی نیشتەجێبوونی خۆیان لە کەرکوک، لەگەڵ دابینکردنی چەند شاحینەیەک بۆ گواستنەوەی کەل و پەلەکانیان".

ڕوونیشیکردووەتەوە، "لە کەمپی لەیلانی یەکەم ٣١ خێزان و لە کەمپی لەیلانی دووەمیش ٤٤ خێزان و لە کەمپی یەحیاوەش ١٦ خێزان گەڕاونەتەوە".

وتووشییەتی، "ئەوانەى گەڕاونەتەوە شوێنی نیشتەجێبوونی ڕاستەقینەی خۆیان لە حەویجە، ڕەشاد، ڕیاز و زاب، لەگەڵ ناوچەکانی داقوق"، دڵنیایشی داوە "لە بەردەوامبوون لە گەڕاندنەوەی ئەو کەسانە بۆ ناوچەکانیان بە هەماهەنگی لەگەڵ لایەنە پەیوەندیدارەکان".