سەردێڕ:

بەڕێوەبەرایەتی ئاوەڕۆی هەولێر داوایەک لە هاوڵاتییان دەکات

فۆتۆ: 
2019-12-11

3934 جار خوێندراوەتەوە

بەڕێوەبەرایەتیی ئاوەڕۆی هەولێر داوا لە هاوڵاتییان دەکات، زبڵ و خاشاک فڕێ نەدەنە سەر شەقام و ناو ئاوەڕۆکان، چونکە دەبنە هۆی دروستبوونی لافاو، بە تایبەتی لە وەرزی زستاندا.

بەڕێوەبەرایەتی ئاوەڕۆی هەولێر داوا لە هاوڵاتییان دەکات، "پارێزگاری لە ژینگەی شارەكەیان بکەن و زبڵ و خاشاک فڕێ نەدەنە سەر شەقام و ناو ئاوەڕۆکان، چونکە دەبنە هۆی درووستبونی لافاو و زیانی ماڵی، بە تایبەتی لە سەروبەندی هاتنی وەرزی زستاندا".

 بەڕێوەبەرایەتی ئاوەڕۆی هەولێر، هۆکاری سەرەکی درووستبوونی لافاو و کۆبوونەوەی ئاو لە شەقامەکانى گەڕاندووەتەوە بۆ فڕێدانی زبڵ و پاشماوە و خاشاک لەسەر شەقامەکان و ناو مەنهۆڵ و زێراب و ئاوەڕۆکان، کە ئەو کارە دەبێتە هۆی گیرانی ڕێڕەوی ئاوەڕۆکان.

 باسی لەوەشکردووە، "هەندێک لە هاوڵاتییان بێ باکن لە پیسكردنی ژینگە و دروستبوونی لافاو، تایەی کۆنی ئۆتۆمبێلەکان فڕێدەدەنە ناو مەنهۆڵە گەورەکان، سەرەڕای ئەوەش تیمەکانی بەڕێوەبەرایەتی ئاوەڕۆی هەولێر ڕۆژانە ڕێژەیەکی زۆری زبڵ و خاشاک لەنێو ئاوەڕۆکان و مەنهۆڵەکان دەردەهێنن و ئاوەڕۆکان پاکدەکەنەوە".

 ئەوەش لە کاتێکدایە، لە دووشەممەی ڕابردوو، وەزارەتی شارەوانی ڕایگەیاند، "لەڕێگەی گرێبەستێكی هاوبەشی نێوان هەرێم و ژاپۆن پرۆژەی دروستكردنی ئاوەڕۆی هەولێر بە بڕی دوو ملیار دۆلار واژۆكرا"، وەزارەتی شارەوانیش باسی لەوەکرد "بە هۆی ئەو پڕۆژەیەوە كێشەی ئاوەڕۆی شارەکە چارەسەردەبێت".

هـ.ئـ