سەردێڕ:

وێنە.. حەشارگەیەكی ژێرزەمینی ئێران لە سوریا ئاشکراکرا

فۆتۆ: 
2019-12-11

5292 جار خوێندراوەتەوە

سوپای ئێران لەنزیك سنوری عێراق لە ناوچەی ئەلبوكەمالی سوریادا حەشارگەیەكی بە درێژای ١٢٠ مەتر دروستكردووە.

ئاژانسی فۆكس نیوز بڵاویكردووەتەوە، لەڕۆژهەڵاتی سوریا و لەلایەن دەسەڵاتدارانی ئێرانەوە حەشارگەیەكی سەربازی دروستكراوە، درێژی حەشارگەكە ١٢٠ مەترە و پانییەكەشی ٤ بۆ ٥ مەترە كە بارهەڵگری سەربازی پێیدا تێپەڕدەبێت.

ئاماژەی بەوەشكردووە، ئەو ژێرزەمینە لەلایەن سوپای ئێرانەوە بۆ مەبەستی كۆگاكردنی چەك و تەقەمەنی بەكاردەهێنرێت.

بەپێی ئەو وێنانەی كۆمپانیایەكی ئیسرائیلی لە ڕیگەی مانگە دەستكردەكانەوە گرتوویەتی، دەردەكەوێت ئەو حەشارگە ژێرزەمینییە لەبنكەی سەربازی ئیمام عەلی لە ناوچەی ئەلبوكەمالی سەر سنوری سوریا عێراق دروستكراوە.

لەدوای ساڵی ٢٠١١وە بەهۆی ئاڵۆزی بارودۆخی ئەمنی لەسوریا، خاكی ئەو وڵاتە بووەتە گۆڕەپانی ململانێی وڵاتانی ناوچەكە و بەتایبەت ئێران و توركیا و ئەمریكا.