سەردێڕ:

دەزگای لوتكە: سێ‌ كۆچبەر لە گرتووخانەکانى تورکیادا ئازادکران

لۆگۆی ڕێکخراوی لوتکە
فۆتۆ: گووگڵ
2019-11-20

979 جار خوێندراوەتەوە

دەزگای لوتكە بۆ کاروبارى پەنابەران ڕایگەیاند، توانیویانە سێ‌ كۆچبەرى خەڵکی هەرێمى کوردستان و عێراق لە گرتووخانەکانى تورکیا ئازادبکەن.

دەزگای لوتكە بۆ كاروباری ئاوارە و پەنابەران ئەمڕۆ چوارشەمە ٢٠ى تشرینى دووەمى ٢٠١٩، بڵاویکردەوە توانیویانە سێ‌ كۆچبەرى هەرێم و عێراق لە گرتووخانەکانى تورکیا ئازادبکەن کە دوو كەسیان خەڵكی پارێزگای دهۆكن و ئەوى تریشیان خەڵكی پارێزگای بەغدایە.

ئاماژەى بەوەشکردوە، ئەو سێ‌ كۆچبەرە لە گرتوخانەكانی ئیستەنبوڵ دەستبەسەركرابوون، و دوای ئازادکردنیان بۆ ناوچەکانى خۆیان لە هەرێم و عێراق گەڕێندراونەتەوە.

ئەوەش لە کاتێکدایە، هەر لە ١٦ى ئەم مانگەدا دەزگای لوتکە بۆ كاروباری ئاوارەو پەنابەران ڕایگەیاند، توانیویانە لەڕێگەى نوێنەرەکانیان لە تورکیا ٧ كۆچبەرى کورد لە زیندانەکانى تورکیا ئازادبکەن.