سەردێڕ:

سۆران.. لەماوەى ٤٥ رۆژدا ٤٤ کەس لە سەر مادەی هۆشبەر دەستگیرکراون

فۆتۆ: 
2019-11-19

1410 جار خوێندراوەتەوە

پۆلیسى سۆران ڕایگەیاند، لە ماوەى ٤٥ رۆژدا ٤٤ کەس بە تۆمەتی کێشان و بازرگانیکردن بە ماددەی هۆشبەر لە سنوری قەزاى سۆران دەستگیرکراون

لە ڕاگەیەندراوێکی بنکەی نەهێشتنی ماددە هۆشبەرەکانی سۆران کە ئەمڕۆ بڵاویکردۆتەوە هاتووە، "لە چوارى ئەیلول تاوەکو ١٩ى تشرینى یەکەم ٤٤ کەس بە تۆمەتی ئاڵودەبوون و بازرگانیکردن بە ماددە هۆشبەرەکان لە سنوری سۆران دەستگیرکراون رەوانەی دادگای ڵیکۆڵینەوە کراون".

بەهوی هەڵکەوتەی جوگرافیای سنورى قەزاى سۆران و هاوسنوری لەگەڵ هەردوو ووڵاتی تورکیا و ئێران ناوچەکە وەک ترانزێت بۆ بازرگانی ماددەی هۆشبەر بەکاردێت، ئەمەش کاریگەری نەرێنی لە سەر هاوڵاتییان دروستکردووە و بەپێی زانیاریەکان بەکارهێنەرانی لە بەرزبوونەوەدان.