سەردێڕ:

خوێندكارانی چەند زانكۆیەک لە هەولێر گردبونەوە

فۆتۆ: 
2019-11-18

1421 جار خوێندراوەتەوە

ئەمڕۆ خوێندكارانی زانكۆکانى قەڵەم، حەدبا، كتاب کە لە دەرەوەى ئیدارەى هەرێمن بۆ ئەژماركردنی بڕوانامەكانیان لە هەولێر گردبونەوە.

پەیامنێرى دیجیتاڵ میدیاى ئێن ئاڕ تى ڕایگەیاند، ئەمڕۆ ١٨ى تشرینى دووەمى٢٠١٩ بەمەبەستی گەیاندنی داواكارییەكانیان بۆ ئەژماركردنی بڕوانامەكانیان، خوێندكارانى دەرچووی زانكۆكانی قەڵەم، حەدبا، كتاب لە بەردەم بینایی وەزارەتى خوێندنی باڵاو توێژینەوەی زانستی لە هەولێر گردبونەوە.

ڕاشیگەیاند، خوێندكارەکان لە بەیاننامەیەکدا داوا لە وەزارەتی خوێندنی باڵای هەرێم دەكەن بڕوانامەكانیان قبوڵ بكرێت، چونكە ئەو زانكۆیانە دانپێدانراوی حكومەتی فیدڕاڵین و بە بڕیارى فەرمیش ئەو زانكۆیانە ناسێندراون.

ئاماژەیان بەوەشکرد، بەشێكی دەرچوەكان بەڕێگای جۆراوجۆر پێچەوانەى ڕێکارە یاساییەکان بڕوانامەكانیان قبوڵكراوە، بەڵام بەشێکى زۆریشیان رەتكراوەتەوە و داواکاریشن حكومەتی هەرێمی كوردستان کاردانەوەى جدی هەبێت، ئەگەرنا هەڵوێستی دیكەیان دەبێت.

ئەوەش لە کاتێکدایە لە نێوان حکومەتى فیدڕاڵی وحکومەتى هەرێمى کوردستان ناکۆکى هەیە ودان نانێن بەبەشێک لەو زانکۆیانەى دەکەونە سنورەکانیان، هەرچەندە بەم کۆتاییانە حکومەتى عێراق چەند زانکۆیەکى هەرێمى کوردستانى بەفەرمى ناساند وەک زانکۆى سۆران.