سەردێڕ:

​ژمارەیەک سەرۆک شارەوانی و بەرپرسی هەدەپە دەستگیرکران

فۆتۆ: 
2019-11-15

1087 جار خوێندراوەتەوە

چوار سەرۆك شارەوانی و هەشت بەرپرس و ٥٢ ئەندامی هەدەپە لە شارەکانی باکوری کوردستان دەستگیرکران.

 

میدیاکانی تورکیا بڵاویانکردەوە، کە سێ سەرۆک شارەوانی هەدەپە لە شاری ماردينی باکوری کوردستان لەلايەن پۆليسی تورکياوە دەستگیرکران.

هاوکات هەر لە شاری دیلۆکی باکوری کوردستان لە بنکە و بارەگاکانی ڕێکخستنی هەدەپە ٥٢ کەس لە بەڕێوەبەرو ئەندامانی هەدەپە لەلايەن پۆليسی تورکياوە دەستگیرکراون.

هەر لەم چوارچێوەيەشدا هێزەکانی پۆلیسی تورکيا لە ناوچەی ئەلبیستانی سەر بە شاری مەرەش هەشت بەرپرسی ديکەی هەدەپەیان دەستگیر کردووە.

پێشتریش حکومەتی تورکيا ٢٩ سەرۆک شارەوانی هەدەپەی لە پۆستەكانیان دورخستەوە و دەستگیری کردن و لە شوێنەكانیان قەیومی دانا.