سەردێڕ:

​دەسەڵاتی دادی ئەمریکا بڕیارێکى سەبارەت بە بوکەکەی داعش دەرکرد

فۆتۆ: 
2019-11-15

7604 جار خوێندراوەتەوە

دەسەڵاتی دادی ئەمریکا داواکارییەکەی "بوکی داعش"ی سەبارەت بە وەرگرتنەوەى ڕەگەزنامەی ئەمریکا ڕەتکردەوە و ڕێگەنادات بگەڕێتەوە ئەمریکا.

کریستینا جامب پارێزەرەکەی  هودا موسەنا ناسراو بە "بوکی داعش"  ڕایگەیاندووە، " بەداخەوە دادگا داواکارییەکەی هودای ڕەتکردووەتەوە و بەڵام بێئومێد نابین و دووبارە هەوڵدەدەینەوە".

هودا موسەنا تەمەنى ٢٥ ساڵە و یەکێکە لەو  ژنانەى کە لە ئەمریکاوە هاتوونەتە ناو داعش و دواتر بە بوکی داعش ناسراو پێشتریش لە چاوپێکەوتنێکى لەگەڵ کەناڵی ئێن بی سی نیوز داوایکرد دووبارە بگەرێتەوە ئەمریکا.

هودا موسەنا پێشتر لە ویلایەتى ئەلەباما لە باشوری ئەمریکا ژیاوە هەر لە سەرەتای  دروستبوونی داعشەوە و لە ساڵێ ٢٠١٤ پەیوەندی بەو ڕێکخراوەوە کردووە.