سەردێڕ:

خشتەی دابەشکردنی موچەى ئەم هەفتەیە ئاشکراکرا

فۆتۆ: 
2019-11-12

112579 جار خوێندراوەتەوە

دیجیتاڵ میدیای ئێن ئاڕ تی ، هەولێر ، هێرش قادر 

سەرچاوەیەک لە وەزارەتی دارایی رایگەیاند، ئەم هەفتەیەدا دوو وەزارەت و ئەنجومەنێکى دادوەری موچە وەردەگرن.

ئەو سەرچاوەیەی وەزارەتی دارایی بە دیجیتاڵ میدیای ئێن ئاڕ تی راگەیاند، سبەی چوارشەممە  موچەى  وەزارەتی تەندروستی  دابەشدەکرێت.

ئاماژە بەوەشکرد، ڕۆژی پێنج شەممەش ئەنجومەنی دادوەری و وەزارەتی شەهیدان و ئەنفالکراوان و زیندانیانی سیاسی و کەس و کاری شەهیدان موچە وەردەگرن.

ئەمەش لە کاتێکدایە ئەم موچەیەى لە مانگى یانزەدا دابەشدەکرێت، موچەى مانگی هەشتە و تا ئێستا حکومەت هیچ پلانێکی بۆ دانەوەى موچەى مانگەکانی دیکە ئاشکرانەکردووە.