سەردێڕ:

سەرۆکی پێشووی فەرەنسا: ڕێگەنادەین تورکیا کوردەکان کۆمەڵکوژ بکەن

فرانسۆ هۆڵاند سەرۆکی پێشووی فەرەنسا
فۆتۆ: ئاژانسەکان
2019-10-10

9379 جار خوێندراوەتەوە

 فرانسۆ هۆڵاند سەرۆکی پێشووی فەرەنسا" وڵاتەکەمان ڕێگەنادات هێزەکانی تورکیا کوردەکان کۆمەڵکوژ بکەن، ئەمن و ئاساییشمان لە مەترسیدایە".

ئەمەش لە کاتێکدا ئێوارەی ئەمڕۆ رەجەب تەیب ئەرۆدغان سەرۆک کۆماری تورکیا ئۆپەراسیۆنی رۆژهەڵاتی فوراتی راگەیاند و لە سەرەتای  ئۆپەراسیۆنەکەشدا، فڕۆکەکانی تورکیا بنکە سەربازییەکانی هەسەدەیان لە شارۆچکەی سەرێکانیێ لە رۆژئاوای کوردستان بۆردوومانکرد.

دواتر دۆناڵد ترەمپ سەرۆکی ئەمریکا لەکۆنفرانسێکی ڕۆژنامەنوسیدا ڕایگەیاند" خوازیارم ئەردۆغان "ژیرانە" مامەلە بکات ئەگەر وانەکات ئابوریەکەی وێران دەکەین".

ئەوەشی خستەڕوو، پێمان وایە کورد ئەرکی خۆیان ئەنجام دەدەن، کورد و تورکیا رقیان لە یەکترە و سەدان ساڵە شەڕ دەکەن.

دۆناڵد تڕەمپ باسی لەوەشکرد، "ئەگەر تورکیا بە نادادپەروەری کارەکە ئەنجامبدات سزای دەدەین".

هەروەها دۆنألد تڕەمپ ڕەزامەندە لەسەر ئەوە دەربڕی  کۆنگرێسی ئەمریکی سزا بەسەر تورکیادا بسەپێنێت.