سەردێڕ:

ئێران ١٠ هەزار سەرباز لە هێزی تایبەتی ڕەوانەی عێراق دەکات

فۆتۆ: 
2019-10-08

13586 جار خوێندراوەتەوە

حەسەن کەرەمی فەرماندەی هێزەکانی ئاسایشیی ناوخۆی ئێران ڕایگەیاندووە، هێزێکی ١٠ هەزار کەسی، بۆ مەراسیمی "چلەی ماتەمینی ئیمام حوسین" ڕەوانەی عێراق دەکەن.

لە لێدوانێکیدا بۆ ئاژانسی میهر-ی سەر بە حکومەت، ئەو فەرماندەیە ڕایگەیاند، "١٠ هەزار کەس لە هێزی تایبەت بە پاراستنی ئاسایشی ناوخۆی ئێران، بە جۆرێک ٧,٥٠٠یان ڕاستەوخۆ و ٤ هەزاری دیکەش وەکو پشتیوانی، ئەرکی پاراستنی میوانانی چلەی ماتەمینی دەگرنە ئەستۆ".

ئەوەش لە کاتێکدایە عێراق بە دۆخێکی ناجێگیردا تێدەپەڕێت و ١٩ی ئەم مانگەش، مەراسیمی چلەی ماتەمینی حوسین، ئیمامی شیعەکان دەستپێدەکات، لەو مەراسیمەدا، ملیۆنان کەس لە رەوتی شیعە، بۆ سەردانیکردنی گۆڕی ئیمامەکەیان، دێن بۆ شاری کەربەلا لە عێراق.