سەردێڕ:

نەجمەدین کەریم: لە کەرکوک لیستێک بۆ هەڵبژاردنەکانی داهاتوو دروستدەکەین

نەجمەدین کەریم پارێزگاری پێشووی کەرکوک
فۆتۆ: 
2019-10-05

5872 جار خوێندراوەتەوە

پارێزگاری پیشووی کەرکوک رایگەیاند، لیستێکی فرەنەتەوە بۆ ھەڵبژاردنی ئەنجومەنی پارێزگای کەرکوک دروست دەکەن، کە تەنیا لیستی کورد نابێت و عەرەب و نوێنەری تورکمانیشی تێدا دەبێت.

نەجمەدین کەریم لە لێدوانێکدا بۆ  دەنگی ئەمریکا رایگیاندووە، لیستەکەیان کار بۆ ھێنانە ناوەوەی ئەو خەڵک و لایەنانە دەکات، کە بەشدار نین لە لیست و قەوارەی سیاسی و تاکە لیستی کەرکوکییەکانە، کە سەرجەم نەتەوەکانی تێدا دەبێت.
باسی لە وەش کرد، "بۆ ئەوەی خەڵک بە  ئازادی دەنگ بدات، دەبێت گۆرانکاری لەومادەیەدا بکەن کە  پەیوەستە بە یاسای ھەڵبژاردنەکانەوە، چونکە بەھۆی ئە م یاساوە ئاوارەکانی کەرکوک بێبەش دەبن لە دەنگدان، کە ڕێژەی لەسەدا ٣٠ بۆ لەسەدا ٣٥ ی دەنگدەران لە کەرکوک پێکدەھینن، ئەم ڕێژەیش دەکاتە زیاد لە ٨٠ ھەزار کەس.
بڕیارە سەرەتاى نیسانی ساڵی داھاتوو ھەڵبژاردنی ئەنجومەنی پارێزگاکانی عێراق جگە لە پارێزگاکانی ھەرێم بەڕێوە بچێت و جگە لە نەوەی نوێ ژمارەیەک حزبی کوردستانیی، بڕیاریان داوە لە ژێرناوی لیستی "ھاوپەیمانی کوردستانی" لە کەرکوک و ناوچە جێناکۆکەکانی تر بەشداری لەو ھەڵبژاردنەدا بکەن.