سەردێڕ:

جێگرى بەرپرسی مەڵبەندى هەولێرى یەکێتى: تەقەکردنەکە بەرنامە بۆ دارێژراو نەبووە

رووداوى تەقەکردن لە کۆمیتەکانى یەکێتى
فۆتۆ: 
2019-09-20

14056 جار خوێندراوەتەوە

لەبارەى تەقەکردنەکەى ئەمشەو کە لە دوو کۆمیتەى یەکێتى لەهەولێر کرا، جێگرى بەرپرسی مەڵبەندى هەولێرى ئەو حزبە رایگەیاند، تەقەکردنەکە بەرنامە بۆ دارێژراو نەبووە.

حاجى مەسیفى جێگرى بەرپرسی مەڵبەندى هەولێرى یەکێتى لە میانەى بەشداریکردنى لە پانۆراماى ئەمشەوى ئێن ئاڕ تى راگەیاند، ئەو رووداوە بەرنامە بۆ دارێژراو نەبووە و نانەوەی پشێوى پێوەدیارە.

ئاماژەى بەوەشکرد، خەڵکانێک هەن کە دەیانەوێت کێشەکانى پارتى و یەکێتى بە ئاڕاستەیەکى دیکەدا ببەن.

حاجى مەسیفى وتیشی، ئاسایش و پۆلیس بەرپرسیارن لە ئەمنییەت و پاراستنى بارەگاکانیان، دەشڵێت،"لەئێستادا خۆمان بارەگاکانمان لە هەولێر دەپارێزین."

ئەمشەو تەقە لە کۆمیتەی چوار و پێنجى یەکێتی کرا لە هەولێر و زیانى گیانى لێنەکەوتەوە، ئەوەش دواى ئەوە هات شەوى رابردوو تەقە لە لقى ٤ى پارتى لە سلێمانى کرا و ئەو رووداوەش زیانى گیانى نەبوو.

رووداوى تەقەکردنەکان لەکاتێکدایە کە مەحمود سەنگاوی ئەندامى مەکتەبی سیاسی یەکیتى لە بازگەى سماقوڵى رێگری لێکرا بچێتە هەولێر و ئەوەش ناکۆکى خستە نێوان بەشێک لە بەرپرسان و جەماوەرى ئەو دوو حزبە.