سەردێڕ:

تەقە لە دوو کۆمیتەى یەکێتی کرا لە هەولێر

زیانى گیانى نەبووە
فۆتۆ: 
2019-09-20

24146 جار خوێندراوەتەوە

دیجیتاڵ میدیاى ئێن ئاڕ تى، هەولێر، ئومێد چۆمانى

کەمێک پێش ئێستا تەقە لە کۆمیتەی چوار و پێنجى یەکێتی کرا لە هەولێر و زیانى گیانى لێنەکەوتەوە.

حاجى مەسیفى جێگری بەرپرسی مەڵبەندی یەکێتی لە ھەولێر بە ئێن ئاڕ تى راگەیاند، ئۆتۆمبێلێک بە بەردەم کۆمیتەکاندا تێپەڕیوە و حەوت فیشەکی بە بینای کۆمیتەکانەوە ناوە.

وتیشی، هیچ کەسێک زیانی بەرنەکەوتووە بەهۆى تەقەکانەوە.

تەقەکردن لەو کۆمیتانەى یەکێتى لەکاتێکدایە شەوى رابردووش تەقە لە لقى ٤ى پارتى لە سلێمانى کرا و هیچ زیانێکى گیانى لێنەکەوتەوە.

رووداوى تەقەکردنەکان دواى ئەوە هات کە مەحمود سەنگاوی ئەندامى مەکتەبی سیاسی یەکیتى لە بازگەى سماقوڵى رێگری لێکرا بچێتە هەولێر و ئەوەش ناکۆکى خستە نێوان بەشێک لە بەرپرسان و جەماوەرى ئەو دوو حزبە.