سەردێڕ:

سعودیە نوێترین زانیاریی سەبارەت بە هێرشی سەر كێڵگە نەوتییەكانی خستەڕوو

فۆتۆ: 
2019-09-18

5403 جار خوێندراوەتەوە

وتەبێژی وەزارەتی بەرگریی سعودیە رایگەیاند، بەڵگەكان ئەوە نیشاندەدەن کە "ئێران تۆمەتبارە بە هێرشكردنە سەر كێڵگە نەوتییەكان و كەرەستەكانی كۆمپانیای ئارامكۆ".

توركی ئەلمالیكی وتەبێژ وەزارەتی بەرگریی سعودیە لە کۆنفرانسێکی رۆژنامەنووسیدا باسی لەوە کرد، ئێران لەپشت هێرشەكانی سەر كۆمپانیای ئارامكۆ و كێڵگە نەوتییەكانەوە بووە و بۆ ئەو مەبەستەش چەند پارچە چەكێكی خستەڕوو، كە لە هێرشەكاندا بەكارهاتوون.

ئاماژەی بەوەش کرد، بەپێی زانیارییەكانیان هێرشەكان لە ناوچەی باكوری ئەو وڵاتە و بە پاڵپشتیی كۆماری ئیسلامیی ئێران کراون، جەختی لەوەش کردەوە، سعودیە توانای بەرگریكردنی لە ژێرخانی وڵاتەكەی هەیە.

ئەوەشی خستەڕوو، هێرشەکەی رۆژی شەممەی رابردوو، درێژکراوەی هێرشەکانی مانگی ئایاری ئەمساڵە و ئەوان بە بەڵگەوە دەیسەلمێنن کە ئێران هەوڵی "تێکدانی ئارامیی ناوچەکە دەدات."  

رۆژی ١٤ی ئەیلول لە رێگای ژمارەیەک فڕۆکەی بێ فڕۆکەوانەوە هێرش کرایە سەر دوو کارگەى گەورەى سەربە کۆمپانیاى ئارامکۆ لە سعودیە، دواتریش حوسییەکانى یەمەن بەرپرسیارێتى خۆیان لە هێرشەکە ڕاگەیاند.

هێرشەکە دوو کێڵگەی نەوتی سەربە کۆمپانیای ئارامکۆی لە رۆژهەڵاتی سعودیە کردە ئاماج، ئەوەش بووە هۆی وەستانی هەناردەکردنی تێکڕای ٥%ی نەوتی جیهان، بەوەش تێکڕای نرخی نەوت لە ماوەیەکی کەمدا لە جیهاندا بەرزبوەوە، بە شێوەیەک کە لە ماوەی ٢٨ ساڵی رابردوودا بەو جۆرە نەبووە.

Col Malki presented maps, photographs and video from Saturday's attacks

Debris from drones and missiles that Saudi Arabia says prove Iranian involvement in oil installation attacks.