سەردێڕ:

گەرمیان.. دوو بەڕێوەبەرى حكومى بە تۆمەتی جیاواز دەستگیرکراون

فۆتۆ: 
2019-09-17

6033 جار خوێندراوەتەوە

دیجیتاڵ میدیاى ئێن ئاڕ تی، گەرمیان، گەرمیان حەمەى پور

لە ماوەی دوو ڕۆژدا دوو بەڕێوەبەر لە سنووری ئیدارەی گەرمیان بە تۆمەتی جیاواز دەستگیرکراون.

عەلی قەدوری وتەبێژی پۆلیسی گەرمیان بە دیجیتاڵ میدیاى ئێن ئاڕ تی راگەیاند، هەریەکە لە حسێن ئەحمەد بەڕێوەبەری گومرگی گەرمیان و عومەر محەمەد بەڕێوەبەری وەبەرهێنانی گەرمیان دەستگیرکراون.

وتیشی، دەستگیرکردنی ئەو دوو بەڕێوەبەرە لەسەر سکاڵای دادگای دەستپاکی بووە و بەڕێوەبەری گومرگی گەرمیان بە مادەی ۳٤۱ و بەڕێوەبەری وەبەرهێنانی گەرمیان بە مادەی ۳۰۷ دەستگیرکراون.

مادەی ۳٤۱ لە یاسای سزادانی عێراقی تایبەتە بە فەرمانبەری حکومی، کە کەمتەرخەمی لە کارەکەیدا بکات و ئەوەش بووبێتە هۆی زیانی گەورە.

مادەی ۳۰۷ تایبەتە بە وەرگرتنی بەرتیل لەلایەن فەرمانبەرێکی حکومەتەوە.