سەردێڕ:

خانەى راپەڕاندنى گۆڕان جەختی لە بەهێزکردنی پەیوەندییەکانیان لەگەڵ پارتی و یەکێتی کردەوە

فۆتۆ: 
2019-09-16

1765 جار خوێندراوەتەوە

خانەی ڕاپەڕاندی گۆڕان لەیەکەم کۆبونەوەیدا جەختی لە بەهێزکردنی پەیوەندییەکانیان لەگەڵ پارتی و یەکێتی کردەوە و رایگەیاند، بەهێزکردنی پەیوەندییەکان دەبێتە هۆکارێکی باش بۆ بردنە پێشەوەی ئەرکەکانی کابینەی نوێێ حکومەت.

لەراگەیاندراوێکدا خانەی راپەڕاندنی گۆڕان ئاماژەی بەوەکردووە پشتگیری تەواو لە کابینەی نوێی حکومەت دەکەن بەمەبەستی جێ بەجیکردنی بەرنامەی چاکسازی.

هاوکات سەبارەت بە رەخنە و نیگەرانیە ناوخۆییەکانی گۆڕان، خانەی ڕاپەڕاندن ئاشکرایکردووە، دەرگایان واڵایە بۆ هەموو ئەو هەڵسوڕاوانەی کە رەخنەیان هەیە و زویر بون و دورکەوتونەتەوە و گفتوگۆکردن لەگەڵ ئەو هەڵسوڕاوە ناڕازییانە و سەرەکیترین ئەرکیان دەبێت.

خانەى راپەڕاندن  ئاماژەی بەوەشکردووە، بەپێی دەستوری ناوخۆیی گۆڕان ئامادەکاریی دەکەن بۆ بەستنی کۆنفرانسی نیشتیمانی و هەڵبژاردنە ناوخۆییەکانی گۆڕان.

خانەى راپەڕاندنى گۆڕان لە رێکخەرى گشتی و شەش ئەندام پێکدێت، ئەو کۆبوونەوەیەشى یەکەم کۆبوونەوەیە دواى ئەوەى ١٤ى ئەم مانگە لەلایەن جڤاتى نیشتمانى بزوتنەوەکەوە هەڵبژێردران.