سەردێڕ:

سیروان کوێخا نەجم ئەندامی سەرکردایەتی یەکێتی بە کەفالەت ئازادکرا

فۆتۆ: 
2019-09-11

13126 جار خوێندراوەتەوە

جێگری بەرپرسی مەڵبەندی چەمچەماڵی یەکێتی رایگەیاند، ئەمڕۆ دادوەری دادگای سلێمانی بە کەفالەت سیروان کوێخا نەجم ئەندامی سەرکردایەتی یەکێتی ئازادکردووە هەتا ڕۆژی دادگاییکردنی.

موحسین محێدین جێگری بەرپرسی مەڵبەندی چەمچەماڵی یەکێتی بە دیجیتاڵ میدیای ئێن ئاڕ تی راگەیاند، ئەمڕۆ چوارشەممە ١١ی ئەیلولی ٢٠١٩ سیروان کوێخا نەجم ئەندامی سەرکردایەتی یەکێتی بە کەفالەت ئازادکراوە.

هاوکات خەیروڵا کوێخا شەریف کەسایەتی عەشیرەتی شوان بە ئێن ئاڕتی راگەیاند لە چەند رۆژی رابردوودا لەڕووی کۆمەڵایەتیەوە کێشەی سیروان کوێخا نەجم و ئاسۆ مامەند ئەندامی مەکتەبی سیاسی یەکێتیان چارەسەرکردووە بۆیە ئاسۆ مامەند لە سکاڵاکەی پاشگەزبۆتەوە.

ڕۆژی ٢٥ ئاب دادوەر ئاوات عومەر قادر لە دادگای لێکۆڵینەوەی ئاسایشی سلێمانی فەرمانی دەستگیرکردنی بۆ سیروان کوێخا نەجم بە پێێ مادەی ٤٢١ بڕگەی ٣١ لە یاسایی سزادانی عێراقی دەرکرد.

سیروان کویخا نەجم ئەندامی سەرکردایەتی یەکێتی و بەرپرسی مەڵبەندی چەمچەماڵی یەکێتی بوو لەدوای دەستگیرکردنیشی لە پۆستی بەرپرسی مەڵبەند دوورخرایەوە و مستەفا چاڵاوی ئەندامی مەکتەبی رێکخستنی یەکێتی لە شوێنەکەی کرا بە سەرپەرشتیاری مەڵبەندەکە.