سەردێڕ:

عێراق.. لە رێورەسمى عاشورادا ٣١ کەس گیانیان لەدەستداوە و دەیان کەسیش برینداربوون

لە کەربەلا و بەغدا بووە
فۆتۆ: 
2019-09-10

8493 جار خوێندراوەتەوە

وەزارەتى تەندروستى عێراق ڕایگەیاند، لە ڕێوڕەسمى عاشورا لە شارەکانى بەغدا و کەربەلا ٣١ کەس گیانیان لەدەستداوە و زیاتر لە ١٠٠ کەسیش برینداربوون.

لە ڕاگەیەنراوێکى وەزارەتى تەندروستى عێراقدا هاتووە، ئەمڕۆ سێشەممە ١٠ى ئەیلولى ٢٠١٩ لە کاتى ڕاکردنى (توەیریج) دا لە رێورەسمى عاشورا لە کازمیەى شارى بەغدا بەهۆى پاڵەپەستۆ و کەوتنە سەر زەویەوە حاڵەتى خنکان و مردن ڕوویداوە.

ئاماژەى بەوەشکردووە، ژمارەیەکى زۆر بریندار هەن بەهۆى پاڵپیوەنان و قەرەباڵغى زۆر لەبەردەم دەرگاى گۆڕى ئیمام حوسێن لەکاتى ڕاکردنى ( توەیریج) دا.

راکردنى (توەیریج) یەکێکە لە گرنگترین ئەو کارانەى لە یادى عاشورادا شوێنکەوتوانى شیعە مەزهەب دەیکەن لە نزیک قەزاى توەیریجە لە پارێزگاى کەربەلا کە پێنج کیلۆمەتر لە ناوەندى شارى کەربەلاوە دوورە وبۆیە بەو ناوەوە نراوە.