سەردێڕ:

لەسەر وشەی ئەمنی عامە و سکاڵاى ئاسایشى گشتى هەرێم شاسوار عەبدولواحید بە کەفالەت ئازادکرا

سکاڵاکە لەلایەن نوێنەری یاسایی بەڕێوەبەری گشتی ئاسایشی سلێمانی تۆمارکراوە
فۆتۆ: 
2019-09-10

6099 جار خوێندراوەتەوە

دوای ئەوەی لەسەر سکاڵای ئاسایشى گشتى هەرێم، شاسوار عەبدولواحید چووە بەردەم دادوەر بریاریدرا بە کەفالەت ئازاد بکرێت.

پارێزەرى سەرۆکى جوڵانەوەى نەوەى نوێ رایگەیاند، سکاڵاکە لەلایەن نوێنەری یاسایی بەڕێوەبەری گشتی ئاسایشی سلێمانی تۆمارکراوە لەسەر ئەوەی کە شاسوار عەبدولواحید لە یەکێک لە کۆنفرانسە رۆژنامەنوسیەکانیدا دەستەواژەی “ئەمنی عامەی” بەکارهێنابوو.

ناوبراو ئەو دەستەواژەى بە زمانی عەرەبی بەکارهێنا لە وەڵامێکیدا بۆ پەیامنێرى کەناڵی سۆمەرییە.

پاش وتە لێوەرگرتن، دادوەر بریاریدا شاسوار عەبدولواحید بە کەفالەت ئازادبکرێت.