سەردێڕ:

نەوزاد هادى دەستى لەكاركێشايەوە

فۆتۆ: 
2019-09-10

6561 جار خوێندراوەتەوە

ئەمرۆ ١٠ ی ئەیلولی ٢٠١٩ لە مەراسيمێكدا نەوزاد هادى پاريێزگارى هەولێر دەستى لەكاركێشايەوە و بريارە رۆژى پێنج شەممە پۆستەكان ئاڵوگۆڕبكرێن.

ئەمڕۆ لە کۆبونەوەی فراوانی نێوان بەڕێوەبەر و قایمقامەکانی هەولێر لەگەڵ نەواد هادی لەوێدا نامەی دەست لەکارکێشانەوەی پێشکەشکرد و وتارێکی بەبۆنەی کۆتایی هاتنی ئەرکەکەی خوێندەوە.

نەواد هادی وتی لەماوەی پانزە ساڵدا وەکو یەک تیم کارمانکردوە بۆ خزمەتکردنی هەولێر و بازنەی هەولێر لە ٣ کیلۆمەترەوە کراوە بە ١٣ کیلۆمەتر درێژایی و بەپێی ماستەرپلانیش بەڕێووەچووە.

هەروەها باسی لەوەشکرد کە لەماوەی ئەو پانزە ساڵەدا نزیکەی ١٢ ملیار دۆلار لە هەولێر خەرج کراوە و ئەو بەرپرسی هەموو خەرجییەکانە و ئامادەیە بۆ ووردبینیش.

بەپێی بڕیارێکی سەرکردایەتی پارتی بۆ ئاڵوگۆڕی پۆستەکان نەوزاد هادی پارێزگاری هەولێر لەپۆستەکەی ئاڵوگۆڕی پێدەکردێت و لە شوێنی ئەو فرسەت سۆفی دەبێتە پارێزگاری هەولێر و بڕیاریشە لە کۆبوونەوەى ئەنجومەنى پارێزگاى هەولێر ڕۆژى ١٢ى ئەیلول فرسەت سۆفى کاندیدى پارتى بۆ پارێزگارى هەولێر بخرێتە دەنگدانەوە.