سەردێڕ:

پێنج ئه‌ندامى نوێ بۆ سه‌رکردایه‌تى یه‌کێتى زیادکرا

فۆتۆ: 
2019-09-08

12909 جار خوێندراوەتەوە

به‌ بڕیاری جێگری سكرتێری گشتیی یه‌كێتی پێنج كه‌س پله‌ی سه‌ركردایه‌تیان له‌ناو یه‌كێتیدا پێ به‌خشرا.

کۆسرەت ڕەسوڵ عەلی  جێگری یەکەمی سکرتێری گشتی یەکێتی لە بڕیارێکدا کە ئەمڕۆ ٨ی ئەیلول دەرچووە هاتووە بە بەپێی ئەو دەسەڵاتەی پێیان دراوە لە کۆبوونەوەی رۆژی ٧ی ئەیلولی مەکتەبی سیاسی یەکێتیدا پلەی پێنج کادری حزبەی بۆ ئەندامی سەرکردایەتی بەرزکراوەتەوە کە ئەوانەش بریتین لە  بورھان سەعید صۆفی، عوسمان بانی مارانی، چەتۆ صالح سەعید، پۆڵا سیروان تاڵەبانی، محمود محمد ڕەشید.

بڕیاره‌كه‌ له‌ رۆژی ٧ی ئه‌یلولی ٢٠١٩ دراوه‌ و تیایدا هاتووه‌ كه‌ به‌پێی برگه‌ی ٥ له‌  مادده‌ی ٧ مادده‌ی ٢٩ په‌یڕه‌وی ناوخۆی یه‌كێتی له‌لایه‌ن كۆسره‌ت ره‌سوڵ عه‌لی، جێگری سكرتێری گشتی یه‌كێتی هه‌ر پێنج ناوبراو كراون به‌ ئه‌ندامی سه‌ركردایه‌تیی یه‌كێتی.

دوێنی یەکێتی بەسەرپەرشتی جێگری یەکەمی سکرتێری گشتی حیزبەکە کۆبووەوە و باسی بارودۆخی عیراق و کەرکوک و ناوچە دابڕێنراوەکان و بارودۆخی کوردستان کراوە و لەو کۆبوونەوەیشدا بڕیار لەسەر بەستنی کۆنگرەی چوارەمی یەکێتی دراوە.