سەردێڕ:

سبەی موچەى ئەم شوێنە دابەشدەکرێت

 موچەى مانگى ٥
فۆتۆ: 
2019-08-26

26867 جار خوێندراوەتەوە

دیجیتاڵ میدیای ئێن ئاڕ تی، هەولێر، هێرش قادر

وەزارەتی دارایی و ئابوری رایگەیاند، سبەی و دوو سبەی موچەى خانەنشینان دابەش دەکرێت.

سەرچاوەیەک لە وەزارەتی دارایی و ئابوری هەرێم بە دیجیتاڵ میدیای ئێن ئاڕ تی ڕاگەیاند، سبەی سێشەممە موچەی خانەنشینی سەربازی و رۆژى چوارشەممەش موچەی خانەنشینی مەدەنی دابەش دەکرێت، بەدابەشکردنى موچەى ئەو دوو توێژەش کۆتایی بە دابەشکردنى موچەى مانگى ئایار (٥) دێت.

هەر بەگوێرەى ئەو سەرچاوەیە، ئەمڕۆ وەزارەتەکانی شارەوانی و پلاندانان و کارەبا و رۆشنبیری و کشتوکاڵ و ئاوەدانکردنەوە، هەروەها دەستەی مافی مرۆڤ و وەبەرهێنانو دەزگای مین و دەستەى ناوچە کوردستانیەکانو کۆمسیۆن و هەرسێ سەرۆکایەتیەکەی هەرێم موچە وەردەگرن.

ئەم موچەیەی دابەشدەکرێت موچەی مانگی ئایاری ٢٠١٩یە و شەشەم موچەیە کە بەبێ پاشەکەوت دابەشدەکرێت.

ڕۆژى ٨ى ئازارى ٢٠١٩ حکومەتى هەرێم کۆتاییهاتنى سیستمى پاشەکەوتى ڕاگەیاند و موچەى مانگى ١٢ى ساڵى ڕابردووش بەبێ پاشەکەوت دابەشکرا.