سەردێڕ:

مالیکى: ئیسرائیل هێرشەکانى کردبێت وەڵامى توندى دەدەینەوە

هۆشداریی دەدات لە تێکچوونى دۆخى ئەمنى عێراق
فۆتۆ: 
2019-08-23

5037 جار خوێندراوەتەوە

سەرۆکى هاوپەیمانى دەوڵەتى یاسا رایگەیاند، عێراق وەڵامى توندى هێرشەکان دەداتەوە، ئەگەر ئەوە بسەلمێنرێت کە لەلایەن ئیسرائیلەوە کراون.

لە بەیاننامەیەکدا نورى مالیکى لەبارەى هێرشەکانى سەر پێگە سەربازییەکانى حەشدى شەعبی ئاماژەى بەوەکردووە، ئەگەر ئیسرائیل بەردەوام بێت لە هێرشەکانى بۆ سەر خاکى عێراق، ئەوا عێراق دەبێتە گۆڕەپانى ململانێی چەندین وڵات لەناویاندا ئێران.

وتیشی، ئاساییشی سنورى عێراق ئاساییشی هاوبەشى وڵاتانى هەرێمییە و بەرپرسیاریەتییەکەشى لەئەستۆی هەموو ئەو وڵاتانەیە.

ئەو لێدوانەى مالیکى دواى ئەوە دێت، کە ئەمڕۆ رۆژنامەى نیویۆرک تایمزى ئەمریکى لەزارى بەرپرسێکى باڵاى ئەمریکاوە بڵاویکردەوە، بۆردومانی ڕۆژی ١٩ی مانگی ڕابردووی پێگەیەکى سەربازى حەشدى شەعبی لە عێراق، لەلایەن ئیسرائیلەوە بووە.

لەماوەکانى رابردوودا چەند جارێک هێرش کراوەتە سەر بارەگاکانى حەشدى شەعبی لە عێراق و تائێستاش هیچ لایەن و وڵاتێک بەرپرسیارییەتى لەو هێرشانە بەشێوەیەکى فەرمى نەگرتووەتە ئەستۆ.