سەردێڕ:

پنتاگۆن: لێکتێگەیشتنمان لەگەڵ ئەنقەرە رێگربووە لە هێرش بۆ سەر باکورى سوریا

فۆتۆ: 
2019-08-23

2057 جار خوێندراوەتەوە

وتەبێژى وەزارەتى بەرگرى ئەمریکا (پنتاگۆن) رایگەیاند، گفتوگۆ سەربازییەکانیان لەگەڵ تورکیا لەبارەى سوریاوە بەردەوامە و نەوەستاوە، لێکتێگەیشتنە هاوبەشەکەیان لەگەڵ ئەنقەرە رێگربووە لە هێرشى ئەو وڵاتە بۆ سەر باکورى سوریا.

شۆن ڕۆبێرتسۆن بە کەناڵى حورەى راگەیاندووە، وەزیرانى بەرگرى ئەمریکا و تورکیا چەندین هەنگاویان بڕیوە و قۆناغى یەکەم جێبەجێ دەکەن بۆ پاراستنى ئاسایشى سەر سنور لە باکورى رۆژهەڵاتى سوریا.

وتیشى قۆناغى یەکەم سەرەتایە و کورتخایەن دەبێت، رێگە خۆشکەریشە بۆ قۆناغەکانى داهاتوو.

وتەبێژى پنتاگۆن جەختیکردەوە، بنەماى سەرەکى پلانەکە باوەڕى پنتاگۆنە بە شەرعیەتى مەترسییە ئەمنییەکانى تورکیا لەبارەى هێزە کوردییەکانەوە.

باسى لەوەشکرد، بەپێی پلانەکە دامەزراوەى ئەمنی لەسەر سنور بنیات دەنرێت، بە ئامانجى پاراستنى ناوچە کوردییەکان و منبج.