سەردێڕ:

جەواد زەریف: هیچ وڵاتێک بە بێ ئێران ناتوانێت ئاسایشى گەروى هورمز دابینبکات

فۆتۆ: 
2019-08-23

851 جار خوێندراوەتەوە

وەزیری دەرەوەى ئێران رایگەیاند، هیچ کەس و وڵاتێک ناتوانێت ئاسایشی گەرووی هورمز بە بێ ئێران دابین بکات و ئەمریکا دەبێت بزانێت ناتوانێت نا سەقامگیریی لە ناوچەکە دروستبکات.

محەمەد جەواد زەریف کە بەسەردانێک لە نەرویجە ئاماژەى بەوەکرد، بەپێی یاسا نێودەوڵەتییەکان دەبێت وڵاتان پەیوەندى ئابووری لەگەڵ ئێران ئاسایی بکەنەوە، بەڵام ئەمریکا فشار دەخاتە سەریان و رێگەیان پێ نادات.

وتیشى، ئامانجی گەمارۆکانی ئەمریکا خەڵکی ئاساییە، فشار دەخەنە سەر خەڵک تا هەڵوێستەکانیان بگۆڕن.

زەریف باسى لەوەشکرد، نیوەی گەرووی هورمز لەژێر کۆنترۆڵی ئەواندایە و کەس ناتوانێت ئاسایشی گەرووی هورمز بە بێ ئێران دابین بکات، ئامادەن بۆ هاوکاریکردن لەگەڵ هەر وڵاتێک کە بیەوێت ئاسایشى کەنداو دابین بکات.