سەردێڕ:

کەرکوک.. لیستى برایەتى گفتوگۆکانى لەگەڵ لیستەکانى دیکە دەستپێدەکات

هەفتەى داهاتوو سەردانى لیستى عەرەبى دەکەن
فۆتۆ: 
2019-08-23

1030 جار خوێندراوەتەوە

دیجیتاڵ میدیاى ئێن ئاڕ تى، کەرکوک، ئاسۆ ئەحمەد

بڕیارە هەفتەى داهاتوو لیستى برایەتى کەرکوک سەردانەکانى بۆ لاى لایەنەکانى کەرکوک دەستپێبکات و لە سەرەتاشدا سەردانى لیستى عەرەبى دەکات.

پەیامنێرى دیجیتاڵ میدیاى ئێن ئاڕ تى رایگەیاند، لەچوارچێوەى ئەو رێککەوتنانەى کە بۆ دانانى تەییب جار وەکو پارێزگارى نوێی کەرکوک، لیستى برایەتى کە لە لایەنە کوردییەکان پێکدێت هەفتەى داهاتوو سەردانى لیستى عەرەبى لە ئەنجومەنى پارێزگاى کەرکوک دەکات .

وتیشی، بڕیارە دواى سەردانى لیستى عەرەبى، لیستى برایەتى سەردانى لیستى تورکمانییەکانى ناو ئەنجومەنى پارێزگاى کەرکوک دەکەن.

ئەوەش لەکاتێکدایە دواى رێککەوتنى پارتى و یەکێتى لەسەر دانانى تەییب جەبار وەک پارێزگارى کەرکوک، لایەنەکانى دیکە بەتایبەت تورکمانەکان نیگەرانى خۆیان نیشاندا و سەرۆکی بەرەی تورکمانی رایگەیاند، پێویستە پۆستی پارێزگاری کەرکوک بە کەسایەتییەکی پێکهاتەی تورکمان بدرێت.