سەردێڕ:

كونسوڵی ئێران: كاردەكەین بۆ كردنەوەی چوار دەروازەی سنوریی نوێ لەگەڵ هەرێم

مەهدی شوشتەری، كونسوڵی ئێران لە سلێمانی
فۆتۆ: 
2019-08-19

1684 جار خوێندراوەتەوە

كونسوڵی نوێی ئێران لە سلێمانی ڕایگەیاند، كاردەكەن بۆ كردنەوەی چوار دەروازەی سنوریی دیکە لەگەڵ هەرێمی كوردستان، كە دەكەونە سنوری پارێزگای سلێمانی.

مەهدی شوشتەری كونسوڵی نوێی كۆماری ئیسلامیی ئێران لەکاتی سەردانیکردنی قائیمقامیەتی سلێمانی باسی لەوەش کردووە، ئێران خوازیاری ئەوەیە برەوی زیاتر بە پەیوەندییە بازرگانییەکانی لەگەڵ هەرێمی كوردستاندا بدات، هەروەها کارئاسانیی تەواو بۆ هاوڵاتییان و بازرگانان لە خاڵە سنورییەکاندا بكرێت.

بەگوێرەی راگەیەندراوی قائیمقامی سلێمانیش ئاوات محەمەد قائیمقامی سلێمانی باسی لەوە کردووە، وەك حكومەتی خۆجێیی سلێمانی جەخت لەسەر پەرەپێدانی پەیوەندییەکانی نێوانیان دەکەنەوە و خوازیاری ئەوەن هەنگاوی زیاتر بنرێت.

قائیمقامی سلێمانی داواشی لە كونسوڵی ئێران كردووە، کە لە هاوردەكردنی كەلوپەل و پێداویستیی خۆراكی رەچاوی كوالێتی و جۆری بكرێت و، هانی باشترین كۆمپانیا ئێرانییەكانیش بدرێت لە كوردستان وەبەرهێنان بكەن.