سەردێڕ:

پەکەکە ئامارى شەهیدەکانى لە ٣٥ ساڵى رابردوودا بڵاوکردەوە

فۆتۆ: 
2019-08-14

21310 جار خوێندراوەتەوە

په‌که‌که‌ ئاشکرایکرد،  له ‌٣٥ ساڵى ڕابردوودا له‌روبه‌ڕوبوونه‌وه‌ چه‌کدارییه‌کاندا له‌گه‌ڵ تورکیا زیاتر له‌ ٥٠ هه‌زار شەهیدیان هەبووە.

پارتى کرێکارانى کوردستان (په‌که‌که‌) ئامارى شەهید و بریندارەکانیان لە ڕووبەڕووبوونەوە چەکدارییەکان لەگەڵ تورکیا بڵاوکردەوە و رایگەیاند، زیاتر له‌په‌نجا هه‌زار شەهید و چەند هێندەى تر برینداریان هەبووە.

ئه‌وه‌شی خستووەته‌روو، ئەوەی لە ماوەى ئەو ٣٥ ساڵەدا بە بەردەوامى تێکشکاوە تورکیا بووە و بزوتنەوەى ئازادى سەرکەوتوو بووە.

شه‌ڕى گه‌ریلا بۆ ئازادیى باکورى کوردستان بە فەرمانی عه‌بدوڵا ئۆجالان و به‌ فه‌رمانده‌یى مه‌عسوم کۆرکماز ناسراو بە عەگید له‌١٥ى ئابى ساڵى ١٩٨٤ ده‌ستیپێکرد و سەربارى چەندین ئاگربەست لەنێوان قەندیل و ئەنقەرە، بەڵام ماوەى ٣٥ ساڵه‌ ئەو روبەڕوبوونەوانە به‌رده‌وامن.

هەفتەى پێشوو عەبدوڵا ئۆجالان لە زیندانى ئیمراڵییەوە رایگەیاند، دەتوانێت لەماوەى هەفتەیەکدا شەڕ و روبەڕوبوونەوە چەکدارییەکان رابگرێت لەنێوان پەکەکە و تورکیادا.