سەردێڕ:

هەپەگە: چوار سەربازی توركیا لە جۆلەمێرگ كوژران

فۆتۆ: 
2019-07-21

13981 جار خوێندراوەتەوە

ناوەندی ڕاگەیاندنی هێزەكانی پاراستنی گەل - هەپەگە ڕایگەیاند، لە چالاكی گەریلاکانی پەکەکەدا لە ناوچەی شەمزینان-ی جولەمێرگ چوار سەربازی تورك كوژران.

لە ڕاگەیەندراوەکەی هەپەگەدا ئاماژە بۆ ئەوە کراوە، گەریلاکانیان لەدژی سوپای تورکیا زنجیرە چالاكییەكیان کردووە و بارهەڵگرێکی سەربازیی تورکیایان كە بەرەو هەرێمی ئاڤاشین دەچووە تێکشکاندووە و چوار سەرباز کوژراون و دوو سەربازی دیکەی تورکیاش برینداربوون.

هاوکات ئاماژە بۆ ئەوەشکراوە، هێزەکانیان لەنێوان گردی خاپووشكێی شەمزینان و گردی هەلیكۆپتەردا ئۆتۆمبیلێكی سەربازی سوپای توركیایان تێکشکاندووە، بەڵام ژمارەی كوژراوو بریندارەكان نەزانراوە.

ئەوەشخراوەتەڕوو، کە هێزەكانیان دوای ئەو چالاكییەکانیان بەسەلامەتی گەڕاونەتەوە بۆ شوێنەكانی خۆیان.

بۆ بینینی ڤیدۆکە لێرە کلیک بکە