سەردێڕ:

مێرگەسۆر.. لە ڕووداوێکى هاتوچۆدا کەسێک گیانی لەدەستدا

فۆتۆ: 
2019-07-14

1630 جار خوێندراوەتەوە

لە ڕووداوێکی هاتوچۆدا لە قەزای مێرگەسۆر کچێکی تەمەن ٩ ساڵان گیانی لەدەستداوە.

هاتوچۆی سۆران ڕایگەیاند، رووداوێکی هاتوچۆ لە جۆری  وەرگەران  لە گوندی شێخ وەتمان  لە سنوری ناحیەی پیران سەر بە قەزای مێرگەسۆر  ڕوویداوە.

ڕاشیگەیاندووە، ئۆتومبیلێکی پیکاب دوای لە دەستدانی کۆنترۆڵ وەرگەڕاوە  لە ئەنجامدا  کچێکی تەمەن ۹ ساڵان بەناوی  نازیار نزار صالح  گیانی لە دەستداوە.

هەر لە ڕووداوەکەدا شەش سەرنشینی دیکە بریندارن کە بڕینی منداڵێکی ۷ ساڵانەیان سەختە، وە سەرجەمیان ئەندامی یەک خێزانن و دانیشتووی گوندی خەرای  سەر بە قەزای مێرگەسۆرن .