سەردێڕ:

سەرۆکی حکومەتی هەرێم و باڵیۆزی تورکیا تاوتوێ پێکدادانە سنورییەکانیان کرد

فۆتۆ: 
2019-07-13

1384 جار خوێندراوەتەوە

سەرۆکی حکومەتی هەرێم نیگەرانى خۆى نیشاندا لە پێکدادانەکانی ناوچە سنورییەکان، کە بەهۆیانەوە خەڵکی مەدەنی دەبنە قوربانی و داوایکردوە هەموو لایەک ڕێز لە سەروەریی هەرێمی کوردستان بگرن.

ئەم وتانەى مەسرور بارزانی، لەمیانەى کۆبونەوەیەکدا بووە لەگەڵ شاندێکی باڵیۆزخانەی تورکیا لە عێراق بە سەرۆکایەتی فاتیح یڵدز کە هاکان کەرەجای، کونسوڵی گشتی تورکیاش لە هەولێر ئامادە بووە.

مەسرور بارزانى، هیوای خواستووە پەیوەندی نێوان تورکیا وهەرێمی کوردستان بەتایبەتی لە بواری ئابووریدا، بەردەوام و بەهێزتر ببێت.

سەرۆکی حکومەتی هەرێم داواشیکرد ئاسانکاری زیاتر بۆ گەشتکردنی هاوڵاتییانی هەردوولا بکرێت و لە فرۆکەخانەکانی تورکیاش هاوڵاتییانی هەرێمی کوردستان تووشی کێشە و ئاستەنگ نەبن.

لە بەرامبەریشدا فاتیح یڵدز، باڵیۆزی تورکیا لە عێراق، باسی لەوە کرد، کە هیوادارن بە دەستبەکاربوونی کابینەی نوێ، پەیوەندی نێوان تورکیا و هەرێمی کوردستان وعێراق زیاتر گەشە بسەنێت.

ع.م