سەردێڕ:

نێچیرڤان بارزانى: پەیوەندییەکانی هەرێم و بەغدا بەرەو باشی دەچن

فۆتۆ: 
2019-07-12

1532 جار خوێندراوەتەوە

نێچیرڤان بارزانی ڕایگەیاند، هەرێمی کوردستان کەوتوەتە قۆناغێکی جیاواز لە پێشتر و پەیوەندییەکان لەگەڵ بەغدا بەرەو باشیی دەچن.

نێچیرڤان بارزانی سەرۆکی هەرێم کە ئێستا بە سەردانێک لە فەرەنسایە، لە میانەى کۆبوونەوەیەکیدا لەگەڵ رەوەندى کوردى لە پاریس باسی لەوە کردووە، باوەڕیان وایە لەگەڵ حکومەتی نوێی عێراق بە سەرۆکایەتی عادل عەبدولمەهدی، دەتوانن چارەسەری ئەو کێشانە بکەن، کە لەنێوانیاندا هەیە.

وتیشی، پرسی کورد لە ڕۆژهەڵاتی ناوەڕاستدا پرسێکی جدییە و چارەسەریش پێویستە چارەسەرێکی سیاسیی بێت لەو وڵاتانەی کە کوردی تێدا دەژی، هەریەک بە پێی تایبەتمەندی خۆی.

ماوەى چەند رۆژێکە سەرۆکى هەرێم بە سەردانێک لەفەرەنسایە و لەسەردانەکەیدا لەگەڵ ئیمانوێل ماکرۆن سەرۆکى ئەو وڵاتە و چەند بەرپرسێکی حکومى کۆبووەوە.