سەردێڕ:

پەرلەمانی کوردستان متمانەی بە كابینەی نۆیەمی حکومەتی هەرێم دا

دوای نۆ مانگ
فۆتۆ: 
2019-07-10

1754 جار خوێندراوەتەوە

لە کۆبوونەوەى ئەمڕۆی پەرلەماندا متمانە بە کابینەى نۆیەمی حکومەتى هەرێم درا و سەرۆکی حکومەت و جێگرەکەی و سەرجەم وەزیرەکان سوێندی یاساییان خوارد.

لە کۆبوونەوەکەدا مەسرور بارزانی بە دەنگی ٨٨ پەرلەمانتار وەکو سەرۆکی حکومەتی هەرێم هەڵبژێردرا و قوباد تاڵەبانی بەدەنگی ٧٣ پەرلەمانتار وەکو جێگری سەرۆکی حکومەتی هەرێم هەڵبژێردرا.

هاوکات فرسەت ئەحمەد بە  ٨٤ دەنگ پەرلەمانتار وەکو وەزیری داد هەڵبژێردرا و رێبەر ئەحمەدیش بە  دەنگی ٧٦ پەرلەمانتار بووە وەزیری ناوخۆ و سامان حسێن بەرزنجی بە دەنگی ٨١ پەرلەمانتار وەکو  وەزیری تەندروستی دیاریکرا و ئالان حەمە سەعید بە دەنگی ٨٥ پەرلەمانتار بووە وەزیری پەروەردەی هەرێم و دانا عەبدولکەریم بە دەنگی ٨٠ پەرلەمانتار وەکو وەزیری  ئاوەدانکردنەوە و نیشتەجێکردن دیاریکرا و کوێستان محمەد بەدەنگی ٧٤ پەرلەمانتار وەکو وەزیری کار و کاروباری کۆمەڵایەتی هەڵبژێردرا.

هاوکات هەریەک کەمال موسلیم بە دەنگی ٨٥ پەرلەمانتار بووە وەزیری بازرگانی و پیشەسازی ، هاوکات ئانو جەوهەر بەدەنگی ٨٠ پەرلەمانتار وەکو وەیزری گواستنەوە و گەیاندن دیاریکرا.

ئارام محەممەد قادر ئەمین بە دەنگی ٧٦ پەرلەمانتار وەکو  وەزیری خوێندنی باڵا ی هەرێم هەڵبژێردرا، هاکات دارا رەشید مەحموود بە دەنگی ٧٥ پەرلەمانتار بووە وەزیری پلاندانان.

خالید سەلام  بە دەنگی ٦٨ پەرلەمانتار وەکو وەزیری هەرێم هەڵبژێردرا و  ساسان عوسمان عەونی بە دەنگی ٨٥ پەرلەمانتار بووە وەزیری شارەوانی و گەشتوگوزار.

لە کۆبوونەوەکەدا ڤالا فەرید بە دەنگی ٨٣ پەرلەمانتار وەکو وەزیری هەرێم بۆ پەیوەندی نێوان حکومەت و پەرلەمان هەڵبژێردرا، هاوکات بێگەرد تاڵەبانیش بە دەنگی ٨٣ پەرلەمانتار بووە  وەزیری کشتوکاڵ و سەڕجاوەکانی ئاو.

هەروەها عەبدوڵا محمود بە دەنگی ٨٥ پەرلەمانتار وەکو وەزیری شەهیدان هەڵبژێردرا و ئایدن مەعروفیش بە دەنگی ٧٨ پەرلەمانتار بووە وەزیری هەرێم.

لە کۆبوونەوەکەدا ئاوات جەناب نووری بە دەنگی ٨١ پەرلەمانتار وەکو وەزیری دارایی و ئابووری هەرێم هەڵبژێردرا و شۆڕش ئیسماعیل عەبدوڵڵا بەدەنگی ٧٣ پەرلەمانتار بووە وەزیری کاروباری پێشمەرگە.

متمانەدان بە کابینەی نۆیەم لە کاتێکدایە زیاتر لە نۆ مانگە هەڵبژاردنی خولی پێنجەمی پەرلەمانی کوردستان بەڕێوەچووە، بەهۆی ناکۆکی لایەنەکانیش لەسەر بەرکەوتەی هەڵبژاردن و پڕکردنەوەی پۆستەکان لە بەغدا و کەرکوک لەو ماوەیەدا نەتوانراوە حکومەت پێکبهێندرێت.