سەردێڕ:

شوان عادل بەرێوەبەرى گشتیی ئێن ئاڕ تى بەکەفالەت ئازادکرا

لەسەر سکاڵايەکى مەکتەبى سیاسیى پارتى
فۆتۆ: 
2019-07-09

4882 جار خوێندراوەتەوە

لەسەر سکاڵایەکى مەکتەبى سیاسیی پارتى دیموکراتى کوردستان، بەرێوەبەرى گشتیی ئێن ئاڕ تى چووە دادگاى هەولێر.

محەمەد عەباس پارێزەرى دۆسیەکە بە ئێن ئاڕ تى راگەیاند، پاش ئەوەى بەیانى ئەمرۆ،  شوان عادل بەرێوەبەرى گشتیی ئێن ئاڕ تى چووەتە بەردەم دادوەر، وتەى لێوەرگیراوە، دواتریش دادوەر بە کەفالەتى پێنج ملیۆن دینار بریارى ئازادکردنى داوە.

سکاڵاکە لەسەر ئەوە بووە، ساڵی پار، ئێن ئاڕ تى لە رێگەى راپۆرتێکى رۆژنامەوانییەوە باسى لە بازرگانیکردنى دەرمان کردبوو لە لایەن دوو بەرپرسى باڵاى پارتى دیموکراتى کوردستان و یەکێتى نیشتیمانى کوردستانەوە.