سەردێڕ:

پەرلەمانى کوردستان: ئیدانەى بۆردومانی ناوچە سنورییەکان دەکەین

فۆتۆ: 
2019-07-06

2134 جار خوێندراوەتەوە

سەرۆکى پەرلەمانى کوردستان ڕایگەیاند، پەرلەمان ئیدانەى بۆردومانەکانی ناوچە سنورییەکانی هەرێم و کوشتنى هاوڵاتیانی مەدەنی دەکات.

ڤالا فەرید سەرۆکى پەرلەمانى کوردستان لە سەرەتای دانیشتنى ئەمڕۆی پەرلەماندا ڕایگەیاند، بە ناوی دەستەى سەرۆکایەتی و سەرجەم ئەندامانی پەرلەمانى کوردستان ئیدانەى سەرجەم تۆپباران و بۆردومانی ناوچە سنورییەکان دەکەن.

سەرۆکى پەرلەمان وتیشی، بە پێی دەستور ئەرکی حکومەتى عێراقە کە سنورەکانی بپارێزێت و پێویستە بەو کارە هەستێت و رێگە نەدات هاوڵاتیانی مەدەنی بە هۆی ئەو بۆردومانانەوە بکوژرێن.

ئەمەش لە کاتێکدایە لە ماوەى ڕابردوو بەبەردەوامی تورکیا بۆردومانی ناوچە سنورییەکانی هەرێمی کردووە و هەفتەى پێشووش بەهۆی ئەو بۆردومانانەوە سێ هاوڵاتی مەدەنی شەهیدبوون.

‌بەپەلە