سەردێڕ:

شەش ژن و منداڵى ئێزیدى ڕادەستى کەسوکاریان کرانەوە

فۆتۆ: 
2019-07-04

1217 جار خوێندراوەتەوە

دیجیتاڵ میدیای ئێن ئاڕ تى، شنگال، نەزیر شنگالی

دوای ئەوەی شەش ژن و منداڵى ئێزیدى لە باغوز لەلایەن هێزەکانى سوریاى دیموکراتەوە رزگارکرابوون ئەمڕۆ ڕادەستى کەسوکاریان کرانەوە.

پەیامنێرى دیجیتاڵ میدیاى ئێن ئاڕ تى رایگەیاند، ئەمڕۆ پێنجشەممە لەلایەن هێزەکانى سوریاى دیموکرات لە کەمپی هۆلێ شەش ژن و منداڵى ئێزیدى رزگارکران و، لەلایەن ماڵى ئێزیدییان لە حەسەکەوە بۆ قەزاى شنگال گواسترانەوە.

ئاماژەى بەوەش کرد، ئەوانەى رزگارکراون پێکهاتوون لە پێنج ژن و منداڵێک کە تەواویان خەڵکى شنگال بوون و رادەستى کەسوکاریان کراونەتەوە.

ئەوەش لەکاتێکدایە، لە ماوەى  ئۆپراسیۆنى باغوزدا تا ئێستا ٢٧٥ ژن و منداڵى ئێزیدى لەلایەن هێزەکانى سوریاى دیموکرات (هەسەدە) و ماڵى ئێزیدییان لە هەرێمى جزیرە رزگارکران و بۆ شنگال گواستراونەتەوە.

ئ.ر