سەردێڕ:

لە هێرشێکى داعشدا لە کەرکوک سێ کەسى مەدەنى کوژران

دۆخى ئەمنى ناوچە کێشەلەسەرەکان
فۆتۆ: 
2019-06-25

2339 جار خوێندراوەتەوە

شەوى ڕابردوو چەکدارانى داعش هێرشیان کردوەتە سەر گوندێکى باشورى کەرکوک و سێ کەسی مەدەنییان کوشتووە.

سەرچاوەیەکى پۆلیس لە کەرکوک ڕایگەیاند، چەکدارانى داعش هێرشیان کردوەتە سەر گوندى وەردییە لە ناحیەى عەباسى باشورى کەرکوک و سێ کەسى مەدەنییان کوشتووە.

ئەو سەرچاوەیە ئاماژەى بەوەکردووە، هێزە ئەمنیەکان گەیشتونەتە ناو گوندەکە وتەرمەکانیان بۆ پزیشکى دادى کەرکوک گواستوەتەوە و چەکدارەکانیش بەرەو شوێنێکى نادیار هەڵاتوون.

ئەوە لە کاتێکدایە شەوى ڕابردوو بۆمبێکى دەنگیی لە بەرامبەر بنکەی پۆلیسی میقداد لەسەر ڕێگای بەغدا لە ناو شارى کەرکوک تەقییەوە و زیانى گیانى بەدواوە نەبووە.

ب.ب