سەردێڕ:

پەرلەمانى عێراق وەزیرانی ناوخۆ و بەرگری و دادی پەسەندکرد

کاندیدی وەزیری پەروەردە ڕەتکرایەوە
فۆتۆ: 
2019-06-24

6139 جار خوێندراوەتەوە

دیجیتاڵ میدیای ئێن ئاڕ تی ، بەغدا ، ئومێد محەمەد 

پەرلەمانى عێراق کاندیدانى وەزارەتەکانى بەرگرى و ناوخۆ و دادى پەسەندکرد و کاندیدى وەزارەتى پەروەردەى رەتکردەوە.

 پەرلەمانی عێراق بۆ تەواوکردنی کابینەکەى عادل عەبدولمەهدی کۆبووەوە و  بە زۆرینەى دەنگ  نەجاح حەسەن عەلی وەک وەزیری بەرگری و یاسین تەها حەسەن وەک وەزیری ناوخۆ دیاریکران.

هاوکات هەر لە کۆبوونەوەکەدا فاروق ئەمین شوانی لەسەر پشکى یەکێتى وەک وەزیری دادی  عێراق متمانەى پێبەخشرا.

پەرلەمان بە زۆرینەى دەنگ سەفانە حەمدانی کاندید بۆ وەزیری پەروەردە ڕەتکردەوە.

ئەمەش لە کاتێکدایە لە سەرەتای دروستبوونى حکومەتى عێراقەوە لە ساڵی ڕابردووەوە تا ئێستا بەهۆی  ناکۆکی لایەنە سیاسییەکانەوە نەتوانرابوو  ئەو وەزارەتانە پڕ بکرێنەوە.