سەردێڕ:

سبەی موچەی ئەم شوێنانە دابەشدەکرێت

موچەی مانگی سێ
فۆتۆ: 
2019-06-19

30220 جار خوێندراوەتەوە

دیجیتاڵ میدیای ئێن ئاڕ تی، هەولێر، هێرش قادر

وەزارەتی دارایی و ئابوری رایگەیاند، سبەی موچەی وەزارەتەكانی بازرگانی و ڕۆشنبیری و لاوان و ئاوەدانکردنەوە و چەند شوێنێکى تر دابەشدەکرێت.

سەرچاوەیەک لە وەزارەتی دارایی و ئابوری هەرێم بە دیجیتاڵ میدیای ئێن ئاڕ تی ڕاگەیاند، سبەی پێنجشەممە (٢٠ی حوزەیرانی ٢٠١٩) موچەی وەزارەتەكانی بازرگانی و ڕۆشنبیری و لاوان و ئاوەدانکردنەوە دابەشدەکرێت.

هاوکات ئەو سەرچاوەیە ڕوونیشیکردەوە، هەر سبەی موچەی سەرۆکایەتی هەرێم و پەرلەمان و ئەنجومەنی وەزیران و خانەنشینی پێشمەرگە دابەشدەکرێت.

ئەم موچەیەی دابەشدەکرێت موچەی مانگی ٣ی ٢٠١٩یە و چوارەم موچەیە کە بەبێ پاشەکەوت دابەشدەکرێت.

ڕۆژى ٨ى ئازارى ٢٠١٩ حکومەتى هەرێم کۆتاییهاتنى سیستمى پاشەکەوتى ڕاگەیاند و موچەى مانگى ١٢ى ساڵى ڕابردووش بەبێ پاشەکەوت دابەشکرا.