سەردێڕ:

پۆڵا سیروان تاڵەبانى: ئازادکردنى نەجمەدین کەریم لە لوبنان و گەرانەوەى بۆ هەولێر بە رێکەوتن کراوە

فۆتۆ: 
2019-06-17

10844 جار خوێندراوەتەوە

بەرپرسى مەڵبەندى یەکێتى لە بەغدا ڕایگەیاند، گومان هەیە ئازادکردنى نەجمەدین کەریم پارێزگارى پێشوى کەرکوک بە سەفەقات و ڕێکەوتن کراوە.

پۆڵا سیروان تاڵەبانى لە بەرنامەى تاوتوێى ئێن ئاڕ تیدا ڕایگەیاند، نەجمەدین کەریم کۆمەڵێک کەیسى یاسایى گەندەڵى لە بەهەدەردانى سامانى گشتى لەسەرە و بۆیە لە لوبنان دەستگیرکراوە و بەکەفالەت ئازادکراوە.

ئاماژەى بەوەشکردووە، لوبنان وڵاتێکە کە زۆر جار پرسەکان بە پارە چارەسەر دەکات  و گومانیش هەیە ئازادکردنى نەجمەدین کەریم بە سەفەقات و ڕێکەوتن کراوە.

ڕوونیشیکردەوە، حکومەتى عێراق لەوە ئاگادارکراوەتەوە و داواى لێکراوە ڕوونکردنەوە بدات لەبارەى گەڕانەوەى نەجمەدین کەریم بۆ هەولێر، چونکە بەفەرمى لە لایەن دادگا وحکومەتى عێراقەوە سکاڵاى لەسەر بووە.

سەبارەت بە دەرکەوتنى نەجمەدین کەریم لە هەولێر و دەرکردنى بڕیارى دەستگیرکردن بۆ ڕاکان جبورى پارێزگارى کەرکوک بە وەکالەت لەیەک ڕۆژدا بەرپرسى مەڵبەندى یەکێتى لە بەغدا ڕایگەیاند، بڕیارى دەستگیرکردن بۆ ڕاکان جبورى لەسەر کۆمەڵێک بابەتى یاساییە کە لەسەرى تۆمارکراوە لەوانەش لەسەر بەهەدەردانى  سامانى گشتى و هەردوو پرسەکەش یاساییە.

ب.ب