سەردێڕ:

کاوێز مەلا پەروێز: نەدەبوو لە هەولێر پێشوازى لە نەجمەدین کەریم بکرێت

فۆتۆ: 
2019-06-16

6889 جار خوێندراوەتەوە

ڕۆژنامەنووسێکى پارتى ڕایگەیاند، دەبێت نەجمەدین کەریم و ئەوانەى ئیدارەى کەرکوکیان بەدەستەوە بووە، لە هەولێر و سلێمانى دادگایی بکرێن نەک پێشوازیلێکردنیان.

کاوێز مەلا پەروێز، کە هاوکات بەرپرسى پێشووى ڕاگەیاندنى پارتى بووە لە کەرکوک، لە بەرنامەى تاوتوێى ئێن ئاڕ تیدا ڕایگەیاند، پێش خەڵکى تر ڕەخنەى لە حزبەکەى خۆى گرتووە کە نەدەبوو پێشوازى لە نەجمەدین کەریم بکرایە لە هەولێر.

وتیشى، کورد دەبێت چاو لە لایەنە عەرەبییەکان بکەن کە چۆن بەرنامەى یەکگرتووى خۆیان هەیە بۆ شارەکە.

ئاماژەى بەوەش کرد، دەبێت کورد گلەیى لە عەرەب نەکات و لە خۆیی بکات کە نەیتوانیوە لە چوارچێوەیەکى ڕووندا کۆببێتەوە و بە قازانجى خەڵکى کەرکوک بڕیار بدات.

ئاماژەى بەوەش کرد، خەڵکى کەرکوک لە چەند ساڵى ڕابردوودا بەدەست ئەوەوە ناڵاندویەتى کە هەر هێزێک دێت بە قازانج و بەرژەوەندیى تەسکى خۆى کاردەکات نەک خەڵکەکەى.

وتیشى، بۆیە تەنها لایەنى کوردییە لە شارى کەرکوک پەرش و بڵاون، بە پێچەوانەى لایەنى تورکمانى و عەرەبى، کە بۆ هەر پرسێک دێتە پێشەوە لەناو خۆیاندا یەکگرتوون.

ب.ب