سەردێڕ:

پەرلەمانی کوردستان مەسرور بارزانی وەک سەرۆکی حکومەت دیاریکرد

وا بڕیارە لەلایەن سەرۆکى هەرێمەوە ڕابسپێردرێت
فۆتۆ: 
2019-06-11

4254 جار خوێندراوەتەوە

پەرلەمانی کوردستان لە دانیشتنى ئەمڕۆدا بە دەنگی ٨٧ پەرلەمانتار مەسرور بارزانی  وەک سەرۆکی حکومەت دیاریکرد.

ئەمڕۆ سێشەممە دانیشتنى پەرلەمانی کوردستان دەستیپێکرد و  بە دەنگی ٨٧ پەرلەمانتار  لە کۆی ٩٧ پەرلەمانتار مەسرور بارزانی بۆ پێکهێنانی حکومەت دیاریکرا.

هاوکات ئومێد خۆشناو سەرۆکى فراکسیۆنی پارتی لە کۆنفرانسێکدا ڕایگەیاند، هەر ئەمڕۆ سەرۆکایەتی پەرلەمان نوسراو ئاراستەى سەرۆکى هەرێم دەکات و لە زووترین کاتدا مەسرور بارزانی لەلایەن سەرۆکی هەرێمەوە بۆ پێکهێنانی حکومەت ڕادەسپێردرێت.

 

ئەمەش لە دوای ئەوە هات دوێنێ دانیشتنى پەرلەمانی کوردستان لەدوای سوێندخواردنی سەرۆکى هەرێم بە کراوەیی بۆ ئەمڕۆ سێشەممە هەڵگیرا.

لە ڕێوڕەسم و دانیشتنى دوێنێی پەرلەماندا نێچیرڤان بارزانی سەرۆکی  هەرێم لە دانیشتنی پەرلەمان و بە ئامادەی دەیان کەسایەتی سیاسی دەرەوە و ناوخۆ وەک سەرۆکى هەرێم سوێندی یاسایی خوارد.