سەردێڕ:

دانیشتنى پەرلەمانی کوردستان بە کراوەیی بۆ سبەینێ هەڵگیرا

سبەینێ لە بینای پەرلەمان کۆدەبنەوە
فۆتۆ: 
2019-06-10

2178 جار خوێندراوەتەوە

دانیشتنى پەرلەمانی کوردستان لەدوای سوێندخواردنی سەرۆکى هەرێم بە کراوەیی بۆ سبەینێ سێشەممە هەڵگیرا.

ڤالا فەرید سەرۆکى پەرلەمانی کوردستان ڕایگەیاند، سبەینێ سێشەممە لە بینای پەرلەمانی کوردستان درێژە بە دانیشتنەکە دەدەن.

بە پێی بەرنامەی کاری کۆبوونەوەکەش دەبێت سبەی  مەسرور بارزانی  کاندید بۆ سەرۆکى  حکومەتى هەرێم ڕاپسپێردێت بۆ پێکهنێنانی کابینەکەی.

لە ڕێوڕەسم و دانیشتنى ئەمڕۆی پەرلەماندا نێچیرڤان بارزانی سەرۆکی  هەرێم لە دانیشتنی پەرلەمان و بە ئامادەی دەیان کەسایەتی سیاسی دەرەوە و ناوخۆ وەک سەرۆکى هەرێم سوێندی یاسایی خوارد.

ئەمڕۆ دووشەممە پەرلەمانی کوردستان بۆ سوێندخواردنی سه‌رۆكی هه‌ڵبژێردراوی هه‌رێم لە هۆڵی سەعد عەبدوڵا لە هەولێر  کۆبووەوە.

لە بەرئەوەی میوان لەسەر ئاستی ناوخۆ و دەرەوەی هەرێم بانگهێشتکراون بۆ ڕێوڕەسمەکە و لەناو پەرلەماندا شوێنێکی تایبەت نییە بۆ ئەو مەبەستە، بۆیە دەستەی سەرۆکایەتی پەرلەمان بڕیاریدا لە هۆڵی سەعد عەبدوڵا دانیشتنەکەی بەڕێوەبچێت.