سەردێڕ:

ڕێنماییە تەندروستییەکان بۆ خۆپاراستن لە گەرما

وەزارەتی تەندروستی عێراق بڵاویکردووەتەوە
فۆتۆ: 
2019-06-08

2658 جار خوێندراوەتەوە

بەشی ڕاگەیاندن و هۆشیاری وەزارتی تەندروستی عێراق چەند ڕێنماییەکی دەرکرد بۆ هاوڵاتیان، بۆ خۆ بەدوورگرتن و چۆنێتی مامەڵەکردن لەگەڵ بەرزبوونەوەی پلەکانی گەرمادا لەم وەرزەدا.

 

بە گوێرەی ئەو ڕێنماییانە کە چاوەڕوان دەکرێت لە ڕۆژانی داهاتوودا پلەکانی گەرما ڕوو لە بەرزبوونەوەی زیاتر بکات بۆیە پێویستە:

١-دورکەوتنەوە لە بەرکەوتنی تیشکی ڕاستەوخۆی خۆر و بە گوێرەی پێویست و چەند دەکرێت، هەروەها پێویستە هاوڵاتیان لە ماڵەوە بن بە تایبەت لە ماوەی نێوان کاتژمێر  ١٠ بەیانی تا چواری دوای نیوەڕۆ.

سەبارەت بە منداڵان نابێت بە هیچ شێوەیەک لە و کاتانەدا لە ماڵەوە بچنە دەرەوە و پێویستە لە شوێنی فێنکدا  بهێڵرێنەوە.

٢-لەبەرکردنی جلوبەرگی سوک و تەنک و بەکارهێنانی چاویلکەی تایبەت بە خۆر.

پێویستە لەم ڕۆژانەدا جلوبەرکی لۆکە و سوک و تەنگ لەبەربکرێت و بە هەموو شێوەیەک دورکەویتەوە لە لەبەرکردنی جلوبەرگێک کە لە پۆلیستەر و ڕیشاڵە پیشەسازییە جیاجیاکان دروستکراون، پێویستە ڕەنگی جلوبەرگەکان بەزۆری سپی و کراوە بن، چونکە تیشکی خۆر پێچەوانە دەکەنەوە و هەڵیاننامژن.

Image result for ‫النظارات الشمسية‬‎

٣- کڵاو لەسەر کردن بۆ ئەو کەسانەی هیچ شتێک ناکەنە سەریان لە وەرزەکانی پێشووتر.

دانەپۆشینی سەر لە ڕۆژانێکدا کە پلەی گەرمای بەرز کاریگەریی دەبێت لەسەر مێشک و سەری مرۆڤ و دووچاری گێژبوون سەرئێشەی دەکات، هەروەها دەبێت خانمان دوورکەونەوە لە بەکارهێنانی ماکیاژی زۆرو تۆخ، چونکە پلەی گەرمای بەرز کاریگەریی دەبێت لەسەر پێست، هەروەها دوورکەوتنەوە لە پۆشینی بازنە و ئیکسسواراتی کانزایی، لەبەر ئەوەی بەهۆی گەرمبوون و رەنگ و پێکهاتەکانییەوە کاریگەریی لەسەر پێست دروستدەکات.

٤-لەپێکردنی پڵاوی کراوە و تەنک.

 دەبێت لە وەرزە گەرمەکاندا بایەخی تایبەت بدرێت بە لەپێکردنی کالەی تایبەت و نەعل و پێڵاوی تەنک و سوک، بۆ ئەوانەش حەزیان لە لەپێکردنی گۆرەوییە، پێویستە گۆرەوییەکانیان تەنگ بێت و لە لۆکە دروستکرابن، چونکە لە وەرزی هاویندا قاچ یەکێک لەو شوێنانەی کە بەڕێژەیەکی زۆر عارەق دەکاتەوە یان بۆنی ناخۆشی دێت.

Related image

٥- بابەخدان بە هێشتنەوەی شێداری جەستە

پێویستە لە کاتی وەرزە گەرمەکاندا بایەخی زیاتر بدرێت بە ئاوخواردنەوە و دوورکەوتنەوە لە خواردنەوە گازییەکان و ئەو خواردنەوانەی ڕێژەیەکی زۆر شەکریان تێدایە.

هەروەها دوورکەوتنەوە لە خواردنەوە وزە بەخشەکان کە بڕێکی زۆر مادەی کافاینیان تێدایە، بۆ ئەوەی هەست بە تینوویەتی نەکەن و لە بری ئەوانە شەربەتی سروشتی بخورێتەوە.

٦- خواردنی سەوزە و میوە بەڕێژەی پێویست.

خواردنی سەوزە و میوە بە یەکێک لە بابەتە بنەڕەتییەکان دادەنرێت بۆ وەرزەکانی گەرما، چونکە بڕێکی باش لە ئاو و ڤیتامین و مادە کانزا پێویستەکانیان تێدایە و پارێزگاریی دەکات لە شێدارکردنەوەی پێست و بڕی پێویستیش لە شەکر بۆ لاشەی مرۆڤ دابیندەکات، لە پێناو ئەوەی کاریگەریی لەسەر چالاکییە جۆراو جۆرەکانی مرۆڤ هەبێت لە کاتە گەرمەکاندا.

Related image

٧- دوورکەوتنەوە لە خواردنی خۆراک و ژەمە خێراکان کە بڕێکی زۆر چەورییان تێدایە، چونکە کاریگەریی دەبێت لەسەر تێنوویەتی لە وەرزەکانی گەرمادا، باشتر وایە مرۆڤ پەنا بەرێت بۆ خواردنی سوپە جیاجیاکان.

٨- مەلەکردن و خۆفێنککردنەوە لە گەرمادا.

لە کاتی وەرزە گەرمەکاندا بەگوێرەی لوان و پێویستی دەبێت مرۆڤ پەنا بەرێت بۆ مەلەکردن و خۆشۆردن و خوفێنککردنەوە، ئەویش بۆ خۆ ڕزگارکردن لە عارەقکردنەوەی زۆر و هێشتنەوەی لاشە بە شێداری، هەروەها پاکڕاگرتن و دەموچاو شۆرین ٤ بۆ ٥ جار لە ڕۆژێکدا.

Image result for ‫السباحة‬‎

٩- هەوڵبدرێت ماڵ و شوێنەکانی نیشتەجێبوون بە فێنکی بهێڵرێتەوە و لە کاتی ڕۆژدا کەمتر دەرگا و پەنجەرەکان بکرێنەوە، لە پێناو پارێزگارییکردن لە فێنکی و ساردی ماڵەکان، چونکە کردنەوەیان لە کاتە گەرمەکاندا بڕێکی زۆر لە گەرمی دیتە ژورەوە ، بەڵام لە کاتەکانی شەودا دەکرێت پەنجەرەکان بکرێنەوە.

بە درێژایی سێ مانگی داهاتوو عێراق و یەکێکە لەو وڵاتانەی ناوچەی خۆرهەڵاتی ناوەڕاست، پلەکانی گەرمای تێدا بەشێوەیەکی بەرچاو بەرزدەبێتەوە.

ع.م