سەردێڕ:

گەشتوگوزار: پێشبینی هاتنی زیاتر لە سێ ملیۆن و ٥٠٠ هەزار گەشتیار دەکەین

لەمساڵدا
فۆتۆ: 
2019-06-04

1227 جار خوێندراوەتەوە

وتەبێژی دەستەی گەشتوگوزاری هەرێم رایگەیاند، پێشبینی دەکەن ئەمساڵ زیاتر لە سێ ملیۆن و ٥٠٠ هەزار گەشتیار بێنە هەرێم و بۆ ئەو مەبەستەش دەستەکەیان ئامادەکاری کردووە.

نادر رۆستی، وتەبێژی دەستەی گەشتوگوزاری هەرێم بە دیجیتاڵ میدیای ئێن ئاڕ تی راگەیاند، ئەوان لە رێگای چەندین چالاکی و فێستیڤاڵی کلتوری و هونەری و ئاسانکاریکردن بۆ کۆمپانیاکانی گەشتیاری لە هەوڵی هێنانی زۆرترین گەشیاردان بۆ هەرێم.

باسی لەوەشکردووە، لە رۆژانی جەژنیش وەکو بۆنەیەکی ئایینی چاوەروانی ئەوە دەکەن هاتنی گەشتیار بەراورد بەساڵی رابردوو بەرزببێتەوە.

وتەبێژی دەستەی گەشتوگوزاری هەرێم وتیشی، ساڵی پار سێ ملیۆن و ٥٧ هەزار گەشتیار سەردانی شوێنە گەشتیارییەکانی هەرێمیان کردبوو بەڵام بۆ ئەمساڵ چاویان لەوەیە رێژەکە بۆ سێ ملیۆن و ٥٠٠ هەزار گەشتیار بەرزبکەنەوە.

کەرتی گەشتیاری بە یەکێک لە کەرتە سەرەکییەکانی ئابوری هەر وڵاتێک دادەندرێت، بەڵام سەرەڕایی بونی سەدان شوێنی مێژوویی و گەشتیاری و کلتوری سەرنجراکێش تاوەکو ئێستا لە هەرێمی کوردستان وەکو پێویست گرنگی بە کەرتی گەشتوگوزار وەکو سەرچاوەیەکی گرنگی ئابوری نەدراوە.

هـ.ع